2023 yilgi mavsumdan “Paxtakor” Germaniyaning mashhur kompaniyasi “Puma” savdo brendi tomonidan sport kiyimlari bilan ta’minlandi.

Hamkorlikni yanada yuqori bosqichga olib chiqish maqsadida kuni kecha kompaniya ofisiga tashrif buyurgan jamoa raisining birinchi o‘rinbosari Dilshod Karimov, u yerda 2024 yilgi mavsum bo‘yicha muzokara olib bordi.

Har bir kompaniyaning sifat darajasi bo‘ladi. Yangi mavsum uchun “Paxtakor” “Puma”dan Yevropaning top jamoalari -  “Manchester Siti”, “Borussiya” (Dortmund) va “Lans” kabi mashhur jamoalar uchun tikadigan sifati bo‘yicha muzokara o‘tkazdi.
 
“Katta kompaniyalar yangi modellarini Yevropa ichki chempionatlariga moslab chiqaradi. Bizda esa mavsum bahor-kuz bo‘lganligi uchun bir yil keyingi dizayndan foydalanib kelganmiz. Bu nafaqat “Puma”, boshqa kompaniyalarda ham shunday. Uchrashuvda jamoamiz 2024 yilda yangi liniya liboslarini kiyishi kerakligi va uning sifati top jamoalarniki bilan bir xil bo‘lishi yuzasidan gaplashdik”, - deydi Dilshod Karimov.