"Lasio" va Italiya terma jamoasi hujumchisi Chiro Immobile nima uchun yozda Saudiya Arabistoni taklifini rad etganini tushuntirdi.

“Men rad etdim, chunki men terma jamoa bilan bu lahzalarni boshdan kechirishni davom ettirmoqchi edim. Hali Italiya terma jamoasiga beradigan narsam bor, Yevropa chempionatiga oz vaqt qolgan, shuning uchun endi men bor kuchimni berishim kerak", - deya Immobiledan iqtibos keltiradi RAI Sport.

33 yoshli forvard o‘tgan mavsumda “Lasio” safida 38 ta o‘yinda maydonga tushib, 14 ta gol urdi va 7 ta golli uzatmani amalga oshirdi. Immobilega Saudiya Arabistoni klublari qiziqish bildirayotgani, futbolchiga yiliga 25 million yevrolik shartnoma taklif qilingani xabar qilingandi.