"Лацио" ва Италия терма жамоаси ҳужумчиси Чиро Иммобиле нима учун ёзда Саудия Арабистони таклифини рад этганини тушунтирди.

“Мен рад этдим, чунки мен терма жамоа билан бу лаҳзаларни бошдан кечиришни давом эттирмоқчи эдим. Ҳали Италия терма жамоасига берадиган нарсам бор, Европа чемпионатига оз вақт қолган, шунинг учун энди мен бор кучимни беришим керак", - дея Иммобиледан иқтибос келтиради RAI Sport.

33 ёшли форвард ўтган мавсумда “Лацио” сафида 38 та ўйинда майдонга тушиб, 14 та гол урди ва 7 та голли узатмани амалга оширди. Иммобилега Саудия Арабистони клублари қизиқиш билдираётгани, футболчига йилига 25 миллион евролик шартнома таклиф қилингани хабар қилинганди.