"Manchester Yunayted" yangi titul homiysi bilan muzokaralar olib bormoqda.
The Athletic xabariga ko‘ra, mankunianliklar yarimo‘’tkazgich va telekommunikasiya uskunalari, xususan, Snapdragon mobil prosessorlari ishlab chiqaruvchi Qualcomm kompaniyasi bilan potensial kelishuvni muhokama qilmoqda.
"Manchester Yunayted" bu kelishuvdan yiliga 60 million funt olmoqchi. Agar kelishuvga erishilsa, katta ehtimol bilan keyingi mavsumdan kuchga kiradi.
Hozirda “Manchester Yunayted”ning titul homiysi TeamViewer, masofaviy foydalanish uchun dasturiy ta’minot ishlab chiqaruvchi nemis kompaniyasi hisoblanadi. Ushbu shartnomaga ko‘ra, ingliz klubi yiliga 47 million funt oladi.
O‘tgan yili TeamViewer besh yillik shartnomasini 2021 yilda uzaytirmasligini e’lon qildi va "Manchester Yunayted"ga homiylik huquqini sotib olish imkoniyatini berdi.