Taniqli insayder Fabrisio Romano vinger Jeydon Sanchoning "Manchester Yunayted"dagi pozisiyasi haqida gapirdi.

"O‘yinchi sifatida Jeydon Sancho Erik ten Xagning asosiy tarkibda boshqa g‘oyalari borligini sezsa kerak va shuning uchun u motivasiyaga ega emas. Lekin bu futbolda normal holat”, - dedi Romano o‘z efirida.

Eslatib o‘tamiz, Angliya Premyer-ligasining 4-turi doirasida bo‘lib o‘tgan Londonning “Arsenal” klubiga (1:3) qarshi o‘yindan so‘ng, Ten Hag qoniqarsiz mashg‘ulotlar sabab Sancho o‘yin uchun qaydnomaga kiritilmaganini ma’lum qilgandi. Shundan so‘ng Sancho mutaxassisning so‘zlarini rad etib, uning ijtimoiy tarmog‘idagi bayonotiga keskin javob qaytardi.

Ma’lum bo‘lishicha, jamoa bosh murabbiyi va futbolchi Sanchoning mankunianliklar lageridagi kelajagi borasida nihoyat qaror qabul qilish uchun 16 sentyabr kuni "qizil iblislar"ning "Brayton"ga qarshi o‘yini oldidan o‘zaro gaplashmoqchi.