Таниқли инсайдер Фабрицио Романо вингер Жэйдон Санчонинг "Манчестер Юнайтед"даги позицияси ҳақида гапирди.
"Ўйинчи сифатида Жэйдон Санчо Эрик тен Хагнинг асосий таркибда бошқа ғоялари борлигини сезса керак ва шунинг учун у мотивацияга эга эмас. Лекин бу футболда нормал ҳолат”, - деди Романо ўз эфирида.
Эслатиб ўтамиз, Англия Премьер-лигасининг 4-тури доирасида бўлиб ўтган Лондоннинг “Арсенал” клубига (1:3) қарши ўйиндан сўнг, Тен Ҳаг қониқарсиз машғулотлар сабаб Санчо ўйин учун қайдномага киритилмаганини маълум қилганди. Шундан сўнг Санчо мутахассиснинг сўзларини рад этиб, унинг ижтимоий тармоғидаги баёнотига кескин жавоб қайтарди.
Маълум бўлишича, жамоа бош мураббийи ва футболчи Санчонинг манкунианликлар лагеридаги келажаги борасида ниҳоят қарор қабул қилиш учун 16 сентябрь куни "қизил иблислар"нинг "Брайтон"га қарши ўйини олдидан ўзаро гаплашмоқчи.
