U23 Osiyo kubogi saralash bosqichidan o‘rin olgan barcha guruhlarda o‘yinlar yakuniga yetdi. Musobaqaning final bosqichida ishtirok etadigan 16 jamoa nomi aniq bo‘ldi.

Mezbon: Qatar

Guruhda 1-o‘rinni egallaganlar: Iordaniya, Janubiy Koreya, Vyetnam, Yaponiya, O‘zbekiston, Iroq, BAA, Tailand, Avstraliya, Saudiya Arabistoni, Indoneziya.

Guruhda 2-o‘rinni egallab, eng yaxshi natija qayd etganlar: Tojikiston, Xitoy, Kuvayt, Malayziya.

Ikkinchi o‘rinni egallagan jamoalar orasida Malayziya va Eronning ko‘rsatkichlari bir xil bo‘ldi — 3 ochko, to‘plar farqi 4-1. Kartochkalar hisob-kitobida esa Malayziya ustun chiqdi. Natijada Eron olimpiada yo‘lida o‘z ishtirokini yakunladi.

Eslatib o‘tamiz, U23 Osiyo kubogi final bosqichi 2024 yil 15 aprel - 3 may kunlari Qatarda bo‘lib o‘tadi. Dastlabki 3 ta o‘rinni egallagan jamoalar Parij-2024 yo‘llanmasini qo‘lga kiritsa, to‘rtinchi jamoa Afrika vakili bilan o‘tish bahsida ishtirok etadi.