U23 Осиё кубоги саралаш босқичидан ўрин олган барча гуруҳларда ўйинлар якунига етди. Мусобақанинг финал босқичида иштирок этадиган 16 жамоа номи аниқ бўлди.
Мезбон: Қатар
Гуруҳда 1-ўринни эгаллаганлар: Иордания, Жанубий Корея, Вьетнам, Япония, Ўзбекистон, Ироқ, БАА, Таиланд, Австралия, Саудия Арабистони, Индонезия.
Гуруҳда 2-ўринни эгаллаб, энг яхши натижа қайд этганлар: Тожикистон, Хитой, Кувайт, Малайзия.
Иккинчи ўринни эгаллаган жамоалар орасида Малайзия ва Эроннинг кўрсаткичлари бир хил бўлди — 3 очко, тўплар фарқи 4-1. Карточкалар ҳисоб-китобида эса Малайзия устун чиқди. Натижада Эрон олимпиада йўлида ўз иштирокини якунлади.
Эслатиб ўтамиз, U23 Осиё кубоги финал босқичи 2024 йил 15 апрель - 3 май кунлари Қатарда бўлиб ўтади. Дастлабки 3 та ўринни эгаллаган жамоалар Париж-2024 йўлланмасини қўлга киритса, тўртинчи жамоа Африка вакили билан ўтиш баҳсида иштирок этади.
