«Manchester Yunayted» Premyer-liganing yangi mavsumini yaxshi boshlagani yo‘q, to‘rtta o‘yindan ikkitasida mag‘lubiyatga uchradi. Bu natijalarning sabablaridan biri asosiy jamoa o‘yinchilarining ko‘plab jarohatlari edi.
Yaqin kelajakda Ten Xag muammoli pozisiyalarni yopish yo‘llarini izlashiga to‘g‘ri keladi, chunki jamoaning asosiy ulushi «qizil iblislar» kasalxonasida to‘plangan. Ulardan ba’zilari yaqin orada maydonga qaytishadi, boshqalariga esa tiklanish uchun bir oydan ko‘proq vaqt kerak bo‘ladi.
Qaysi futbolchilar jamoaga qayta qo‘shilish arafasida, qaysilari esa yaqin oylarda jamoadoshlariga yordam bera olmaydi?
Lisandro Martines
Martines jarohati tufayli «Arsenal»ga qarshi o‘yinda almashtirildi, ammo o‘sha oqshom Argentina terma jamoasiga yo‘l oldi. Ma’lum bo‘lishicha, o‘yindan bir necha kun oldin uning yaqinda operasiya qilingan joyida ko‘karishlar paydo bo‘lgan va o‘yinda yana o‘sha joyiga zarba berishgan. Ma’lum bo‘lishicha, jiddiy hech narsa bo‘lmagan va u terma jamoadagi tanaffusdan so‘ng qisqa vaqt ichida safga qaytishi kerak.
Qaytishning mumkin bo‘lgan sanasi: 16 sentyabr, «Brayton»ga qarshi o‘yinda.
Lyuk Shou
Chap qanot himoyachisi o‘tgan oy mashg‘ulotlarda mushaklaridan jiddiy jarohat oldi va «mankunianliklar» uning o‘rniga Serxio Regilonni olib kelishga majbur bo‘ldi. Taxminlarga ko‘ra, u kuzning oxiridan oldin safga qaytadi.
Qaytishning mumkin bo‘lgan sanasi: noyabr.
Meyson Maunt
The Athletic xabariga ko‘ra, Maunt jarohatidan forig‘ bo‘layotganga o‘xshamoqda va «qizil iblislar»ning Chempionlar ligasidagi ilk o‘yinida maydonga qaytishga umid qilmoqda.
Qaytishning mumkin bo‘lgan sanasi: 20 sentyabr, «Bavariya»ga qarshi o‘yinda.
Sofyan Amrabat
Amrabat Marokash terma jamoasini o‘zini yaxshi his qilmagani tufayli birorta ham o‘yin o‘tkazmay tark etdi. Bu faqat ehtiyot chorasi sifatida qilingandi, ya’ni uning «qizil iblislar»dagi debyuti tez orada bo‘lib o‘tishi kutilmoqda.
Qaytishning mumkin bo‘lgan sanasi: 16 sentyabr, «Brayton»ga qarshi o‘yinda.
Amad Diallo
Diallo mavsum oldidan tizzasidan jiddiy jarohat oldi va klub uning «mavsumning bir qismini» o‘tkazib yuborishini aytdi. 21 yoshli vinger ayni damda tiklanish ustida ishlamoqda va o‘ng qanotida o‘yinchilar yo‘qligini inobatga olsak, Diallo qaytganidan so‘ng asosiy jamoaga kirish uchun barcha imkoniyatga ega bo‘ladi.
Mumkin qaytish sanasi: oktyabr/noyabr.
Kobbi Meynu
Manchester Evening News xabariga ko‘ra, Meynu mavsumoldi jarayonlarida ham jiddiy jarohat oldi, biroq u kutilganidan yaxshiroq tiklanmoqda. Futbolchining o‘zi ijtimoiy tarmoqlarga tez orada safga qaytishini ishora qilgan postni joylashtirdi.
Mumkin bo‘lgan qaytish sanasi: sentyabr/oktyabr oxiri.
Tirell Malasia
Malasia yozda olgan noma’lum jarohati tufayli «Manchester Yunayted» bilan mavsumoldi o‘yinini o‘tkazib yubordi. Uning qachon qaytishi haqida aniq ma’lumot yo‘q, ammo Ten Xag buning uchun biroz vaqt kerak bo‘lishini aytdi.
Mumkin bo‘lgan qaytish sanasi: noma’lum.
Rafael Varan
Varan o‘tgan oy jarohat olgan va yaqin orada safga qaytishi dargumon. Klub rasmiy bayonotida fransiyalik futbolchining bir necha hafta safdan chiqishini qayd etgan.
Qaytishning mumkin bo‘lgan sanasi: oktyabr.
Viktor Lindelyof
Shvesiyalik markaziy himoyachi «Arsenal»ga qarshi o‘yinda almashtirildi, ammo keyinchalik Erik ten Xag buni oddiy futbolchi o‘zini yaxshi his qilmagani tufayli deya ta’kidlab o‘tdi.
Qaytishning mumkin bo‘lgan sanasi: 16 sentyabr, «Brayton»ga qarshi o‘yinda.
