«Манчестер Юнайтед» Премьер-лиганинг янги мавсумини яхши бошлагани йўқ, тўртта ўйиндан иккитасида мағлубиятга учради. Бу натижаларнинг сабабларидан бири асосий жамоа ўйинчиларининг кўплаб жароҳатлари эди.
Яқин келажакда Тен Хаг муаммоли позицияларни ёпиш йўлларини излашига тўғри келади, чунки жамоанинг асосий улуши «қизил иблислар» касалхонасида тўпланган. Улардан баъзилари яқин орада майдонга қайтишади, бошқаларига эса тикланиш учун бир ойдан кўпроқ вақт керак бўлади.
Қайси футболчилар жамоага қайта қўшилиш арафасида, қайсилари эса яқин ойларда жамоадошларига ёрдам бера олмайди?
Лисандро Мартинес
Мартинес жароҳати туфайли «Арсенал»га қарши ўйинда алмаштирилди, аммо ўша оқшом Аргентина терма жамоасига йўл олди. Маълум бўлишича, ўйиндан бир неча кун олдин унинг яқинда операция қилинган жойида кўкаришлар пайдо бўлган ва ўйинда яна ўша жойига зарба беришган. Маълум бўлишича, жиддий ҳеч нарса бўлмаган ва у терма жамоадаги танаффусдан сўнг қисқа вақт ичида сафга қайтиши керак.
Қайтишнинг мумкин бўлган санаси: 16 сентябрь, «Брайтон»га қарши ўйинда.
Люк Шоу
Чап қанот ҳимоячиси ўтган ой машғулотларда мушакларидан жиддий жароҳат олди ва «манкунианликлар» унинг ўрнига Серхио Регилонни олиб келишга мажбур бўлди. Тахминларга кўра, у кузнинг охиридан олдин сафга қайтади.
Қайтишнинг мумкин бўлган санаси: ноябрь.
Мэйсон Маунт
The Athletic хабарига кўра, Маунт жароҳатидан фориғ бўлаётганга ўхшамоқда ва «қизил иблислар»нинг Чемпионлар лигасидаги илк ўйинида майдонга қайтишга умид қилмоқда.
Қайтишнинг мумкин бўлган санаси: 20 сентябрь, «Бавария»га қарши ўйинда.
Софьян Амрабат
Амрабат Марокаш терма жамоасини ўзини яхши ҳис қилмагани туфайли бирорта ҳам ўйин ўтказмай тарк этди. Бу фақат эҳтиёт чораси сифатида қилинганди, яъни унинг «қизил иблислар»даги дебюти тез орада бўлиб ўтиши кутилмоқда.
Қайтишнинг мумкин бўлган санаси: 16 сентябрь, «Брайтон»га қарши ўйинда.
Амад Диалло
Диалло мавсум олдидан тиззасидан жиддий жароҳат олди ва клуб унинг «мавсумнинг бир қисмини» ўтказиб юборишини айтди. 21 ёшли вингер айни дамда тикланиш устида ишламоқда ва ўнг қанотида ўйинчилар йўқлигини инобатга олсак, Диалло қайтганидан сўнг асосий жамоага кириш учун барча имкониятга эга бўлади.
Мумкин қайтиш санаси: октябрь/ноябрь.
Кобби Мейну
Manchester Evening News хабарига кўра, Мейну мавсумолди жараёнларида ҳам жиддий жароҳат олди, бироқ у кутилганидан яхшироқ тикланмоқда. Футболчининг ўзи ижтимоий тармоқларга тез орада сафга қайтишини ишора қилган постни жойлаштирди.
Мумкин бўлган қайтиш санаси: сентябрь/октябрь охири.
Тирелл Маласиа
Маласиа ёзда олган номаълум жароҳати туфайли «Манчестер Юнайтед» билан мавсумолди ўйинини ўтказиб юборди. Унинг қачон қайтиши ҳақида аниқ маълумот йўқ, аммо Тен Хаг бунинг учун бироз вақт керак бўлишини айтди.
Мумкин бўлган қайтиш санаси: номаълум.
Рафаэль Варан
Варан ўтган ой жароҳат олган ва яқин орада сафга қайтиши даргумон. Клуб расмий баёнотида франциялик футболчининг бир неча ҳафта сафдан чиқишини қайд этган.
Қайтишнинг мумкин бўлган санаси: октябрь.
Виктор Линделёф
Швециялик марказий ҳимоячи «Арсенал»га қарши ўйинда алмаштирилди, аммо кейинчалик Эрик тен Хаг буни оддий футболчи ўзини яхши ҳис қилмагани туфайли дея таъкидлаб ўтди.
Қайтишнинг мумкин бўлган санаси: 16 сентябрь, «Брайтон»га қарши ўйинда.
