Bilasizmi, «Navbahor» va OKMKning OCHL guruh bosqichiga chiqqanidan O‘zbekistonning qaysi shahrida ko‘proq quvonishlari kerak?

Farg‘onada. Endi «Neftchi»ning O‘zbekiston chempionatidagi 4ta asosiy raqibatchisi ham kamida 2ta frontda o‘ynaydi. Bu esa Farg‘ona klubining chempionlik uchun kurashdagi imkoniyatini oshiradi. Gap faqat e’tiborni 2-3ta turnirga taqsimlash emas, balki yana oxirgi yillar O‘zbekiston klublarining «zayavka»ga atigi 20 nafar futbolchi kiritishiga ruxsat berilganida ham (masalan, Qatarda bu ko‘rsatkich 28 nafar). Ha, yosh futbolchilarni cheklovsiz kiritish mumkin. Ammo muammo shundaki, 19-20 yoshli har bir futbolchi qo‘shimcha omillarsiz asosiy tarkibdagi o‘rin uchun raqobatda g‘alaba qozonolmaydi deylik, Abbos Fayzullayev kabi. Ammo endi «Paxtakor»da u ham yo‘q. Mavsum boshida jurnalistlar Maksim Shaskixni zaxira kuchlari yetishmayotgani haqidagi so‘zlari uchun tanqid qilishganida, aslida muammo mohiyatini tushunmagandilar. Kuni kecha Mirjalol Qosimov ham «Paxtakor» bosh murabbiyi holatiga tushib qoldi: «Bugun jarohatlar, xastalik va diskvalifikasiyalar tufayli ixtiyorimda zaxiradan maydonga tushib, o‘yinni yaxshilay oladigan atigi 3 nafar futbolchi bor edi».

Bir o‘ylang, 4ta klub haftasiga 2tadan o‘yin o‘tkaza boshlasa, nima bo‘ladi? Yana har bir o‘yin ahamiyatli. Tushunarliki, yosh futbolchilarga imkon berish kerak. Ammo 4ta klub murabbiylari majburan imkoniyat berishadi. Boshqacha aytganda, yosh futbolchilarning o‘zlari hali bunday imkoniyatga tayyor emaslar. Bunday imkoniyatdan esa hech tomonga naf yo‘q. Na klub va na futbolchiga, terma jamoa xususida gapirish ham ortiqcha. Lekin pirovardida O‘zbekistonda reglament hammaning fikri inobatga olinmasdan, professional ekspertizasiz qabul qilinganida klublarning o‘zi aybdor. Futbol vertikali to‘g‘ri qurilgan mamlakatlarda bunday qarorlar Liga a’zolarining umumiy ovozi bilan qabul qilinadi. Faqat 2-3ta klubgina ovoz berishga jur’at etsa, buni qanaqasiga umumiy fikr sifatida qabul qilish mumkin? «Neftchi»ga kelsak, chempionlik uchun kurashda hozir yuzaga kelgan imkoniyatidan unumli foydalanmasa, keyingisini ancha kutadi...