Yarim himoyachi Sharl de Ketelare «Milan»dan «Atalanta»ga ijara asosida o‘tgandi va bu haqida gapirdi.
Belgiyalik futbolchi Italiyaga ko‘chib o‘tgandan so‘ng debyut mavsumida «rossonerilar» safida o‘zini ko‘rsata olmadi. Avgust oyida 22 yoshli hujumkor yarim himoyachi «Atalanta»ga ijaraga berilgandi.
«Bu transfer mening shaxsiy qarorim. Men formaga qaytish uchun muntazam mashq qilishni xohlardim. Hammaga o‘zimning kimligimni ko‘rsatmoqchiman va men allaqachon muvaffaqiyatga erisha boshlaganman deb o‘ylayman. Mavsum boshlanishini muvaffaqiyatli deb atash mumkin.
Hozir men «Atalanta»da o‘ynayman, har bir keyingi o‘yin haqida o‘ylayman, shuning uchun «Milan» haqida hech narsa deya olmayman», — deya futbolchining so‘zlaridan iqtibos keltiradi insayder Janluka di Marsio.
