"Milan" hujumchisi Kristian Pulishich jamoasining Italiya chempionatida g‘alaba qozonish imkoniyatlariga baho berdi. Eslatib o‘tamiz, A Seriyaning dastlabki uch turida Stefano Pioli shogirdlari maksimal ochko jamg‘argandi.
“Biz o‘zimizni ishonchli his qilyapmiz. Bizda kuchli futbolchilar bor va klub transfer bozorida yaxshi natijalarga erishdi, shuning uchun bizda iqtidorlar to‘g‘ri aralashgan. Skudettoni yutishimiz mumkin, ammo buning uchun xuddi shu ruhda davom etishimiz kerak. Jamoa mavsumni ajoyib boshladi va men muvaffaqiyatga erishishimizni bilaman", - deya Pulishichning so‘zlarini keltirmoqda Calciomercato.
Pulishich "Milan" safida o‘tkazgan dastlabki uchta o‘yinida Italiya A Seriyasida ikkita gol urdi.
