"Милан" ҳужумчиси Кристиан Пулишич жамоасининг Италия чемпионатида ғалаба қозониш имкониятларига баҳо берди. Эслатиб ўтамиз, А Сериянинг дастлабки уч турида Стефано Пиоли шогирдлари максимал очко жамғарганди.
“Биз ўзимизни ишончли ҳис қиляпмиз. Бизда кучли футболчилар бор ва клуб трансфер бозорида яхши натижаларга эришди, шунинг учун бизда иқтидорлар тўғри аралашган. Скудеттони ютишимиз мумкин, аммо бунинг учун худди шу руҳда давом этишимиз керак. Жамоа мавсумни ажойиб бошлади ва мен муваффақиятга эришишимизни биламан", - дея Пулишичнинг сўзларини келтирмоқда Calciomercato.
Пулишич "Милан" сафида ўтказган дастлабки учта ўйинида Италия А Сериясида иккита гол урди.
