«Манчестер Сити» ҳимоячиси Йошко Гвардиол Мадриднинг «Реал» клуби учун асосий трансфер мақсадларидан бири бўлиб турибди. Инсайдер Фабрицио Романонинг хабар беришича, «қироллик клуби» хорватиялик футболчини ҳимоя чизиғини кучайтириш учун «идеал» вариант деб ҳисобламоқда.
Испания гранди вакиллари жамоада ҳам марказий ҳимояда, ҳам чап қанотда бирдек ўйнай оладиган футболчини кўришни исташмоқда — «қаймоқранглилар» Гвардиол бу ролга жуда мос келишига аминлар.
Ўз навбатида, «шаҳарликлар» 24 ёшли футболчи билан хайрлашишни истамаяпти ва у билан шартномани узайтириш ниятида. Transfermarkt портали баҳосига кўра, Йошко Гвардиолнинг трансфер қиймати 70 миллион еврони ташкил этади.
