«Fulxem» yarim himoyachisi Joau Palinya yanvar oyida «Bavariya»da bo‘lishi mumkin.

Sky Sport DE xabariga ko‘ra, 28 yoshli yarim himoyachi qishki transfer oynasida Myunxenga o‘tishga qarshi emas.

Eslatib o‘tamiz, o‘tgan yozda futbolchiga «Bavariya» jiddiy qiziqish bildirgandi. Manbaga ko‘ra, Palinya kelasi yilning yanvar oyida nemis grandining taklifini ko‘rib chiqishga tayyor.

Bugun, 14 sentyabr kuni «Fulxem» futbolchining mehnat shartnomasini 2028 yilgacha uzaytirishini ma’lum qildi.

Transfermarkt ma’lumotlariga ko‘ra, Palinyaning narxi 40 million yevro. Joriy mavsumda futbolchi barcha turnirlarda uchta o‘yin o‘tkazib, bitta gol urdi.