Huquqlari Belgiyaning «Antverpen» klubiga tegishli bo‘lgan yarim himoyachi Artur Vermiren Ispaniyaning top-klublaridan birining qiziqish doirasiga tushib qoldi.
Gap «Barselona» haqida ketmoqda.
AS xabariga ko‘ra, «Barsa» keyingi transfer oynasida 18 yoshli futbolchini qo‘lga kiritishga harakat qiladi.
Belgiya klubi Vermirenning potensial transferini 15-20 million yevroga baholamoqda.
O‘tgan mavsumda Artur barcha turnirlarda 29 ta o‘yinda qatnashib, bitta gol va ikkita golli uzatmaga mualliflik qilgandi.
Futbolchining klub bilan shartnomasi 2026 yilning o‘rtalariga qadar tuzilgan. Transfermarkt uning narxini 17 millionga baholamoqda.