"Manchester Yunayted"ning sobiq futbolchisi Jessi Lingard Londonning "Vest Xem" jamoasida mashg‘ulotlarni davom ettirmoqda, deya xabar bermoqda 90min nashri.
Manbaga ko‘ra, 30 yoshli vinger "bolg‘achilar" bilan shartnoma imzolashi mumkin. Jessida faoliyatini MLS, Qatar, Saudiya Arabistoni va Turkiya chempionatlarida davom ettirish imkoniyatlari ham bor.
Lingard o‘tgan mavsumda "Nottingem Forest"da o‘ynagan. U "o‘rmonchilar" safida 20 ta o‘yin o‘tkazib, ikkita gol va ikkita golli uzatmani amalga oshirgan.
APLning to‘rtta turi yakunlariga ko‘ra, "Vest Xem" o‘n ochko bilan turnir jadvalida to‘rtinchi o‘rinni egallab turibdi.
