Londonning "Chelsi" klubi egalari Todd Boeli va Behdad Igbali yozda Premyer-liganing bir mavsumida 100 ochko to‘playdigan jamoa yaratishni muhokama qilishdi.
The Telegraph nashri xabariga ko‘ra, "ko‘klar" rahbarlari yozgi transferlar jamoaning kelajakda bu maqsadiga erishishiga yordam berishiga ishonishmoqda.
Eslatib o‘tamiz, "Chelsi" yozda yangi kelganlar uchun 400 million yevrodan ko‘proq pul to‘lagan. 2022 yilning yozidan beri umumiy xarajatlari bir milliard yevrodan oshdi. Shu bilan birga, "ko‘klar" o‘tgan mavsumni Angliya Premyer-ligasida 12-o‘rinda yakunladi. Yangi chempionat boshida jamoa to‘rtta turda ikkita mag‘lubiyat alamini totib ko‘rdi.
