"PSJ" hujumchisi Randal Kolo-Muani debyut uchrashuvida jamoasiga mag‘lubiyatdan qutulib qolishga yordam bermadi.
Parijliklar Liga 1 5-turidan o‘rin olgan o‘yinda o‘z maydonida “Nissa”ga imkoniyatni boy berishdi (2:3). Yaqinda Frankfurtning “Ayntraxt” klubidan 95 million yevroga sotib olingan 24 yoshli forvard 64-daqiqada zaxiradan maydonga tushdi va final hushtagi chalinishidan biroz oldin u Kilian Mbappega golli uzatma berdi.
"Biz yaxshi futbol ko‘rsatgan va bu mavsumda mag‘lub bo‘lmagan juda jiddiy raqibga qarshi o‘ynadik", - dedi "PSJ"ning yangi kelgan futbolchisi. - Jamoamizda juda ko‘p o‘zgarishlar bo‘lganini unutmang, moslashish uchun vaqt kerak. Biz ishlashda davom etamiz", — deya Kolo-Muanining so‘zlarini keltiradi jurnalist Adriyen Grenyer.
