Germaniya terma jamoasi va Myunxenning «Bavariya» klubi yarim himoyachisi Yozua Kimmix «Barselona»ning transfer maqsadi bo‘lib qolmoqda, deb xabar beradi Diario Sport.
Manbaning xabariga ko‘ra, «ko‘k-anorranglilar» rahbariyati futbolchiga kelasi yozda taklif bilan chiqadi.
Bu 28 yoshli yarim himoyachi «Bavariya» bilan yangi mehnat shartnomasini imzolamasa sodir bo‘ladi. Kimmixning myunxenliklar bilan amaldagi shartnomasi 2024/2025 yilgi mavsum oxirigacha amal qiladi.
Germaniya chempionatining joriy mavsumida Kimmix to‘rtta o‘yin o‘tkazib, ikkita golli uzatmani amalga oshirdi. Uning narxi 75 million yevroni tashkil qiladi.
