Германия терма жамоаси ва Мюнхеннинг «Бавария» клуби ярим ҳимоячиси Йозуа Киммих «Барселона»нинг трансфер мақсади бўлиб қолмоқда, деб хабар беради Diario Sport.
Манбанинг хабарига кўра, «кўк-анорранглилар» раҳбарияти футболчига келаси ёзда таклиф билан чиқади.
Бу 28 ёшли ярим ҳимоячи «Бавария» билан янги меҳнат шартномасини имзоламаса содир бўлади. Киммихнинг мюнхенликлар билан амалдаги шартномаси 2024/2025 йилги мавсум охиригача амал қилади.
Германия чемпионатининг жорий мавсумида Киммих тўртта ўйин ўтказиб, иккита голли узатмани амалга оширди. Унинг нархи 75 миллион еврони ташкил қилади.
