Italiya chempionatining 4-turi doirasida muxlislar Milan derbisiga guvoh bo‘lishdi. "San-Siro" stadionida "Inter" mezbonligida o‘tgan bahsda "Milan" yirik hisobda imkoniyatni boy berdi.

Genrix Mxitaryan 5-daqiqada hisobni ochgan bo‘lsa, Markus Tyuram 37-daqiqada farqni oshirdi. Rafael Leau 57-daqiqada mehmonlarning yagona to‘pini kiritgan bo‘lsa, qolgan daqiqalarda "neradzurri" yana 3 marta raqib darvozasiga yo‘l topdi. Mxitaryan uchrashuvda dublga erishgan bo‘lsa, Hoqon Chalxanoglu va Davide Frattezi o‘z hisoblariga bittadan gol yozib qo‘yishdi.

Ushbu g‘alaba tufayli "Inter" o‘z ochkolarini 12 taga yetkazgan bo‘lsa, "Milan" mavsumda ilk marta ochko yo‘qotdi — 9 ochko.

Italiya A seriyasi. 4-tur
Inter – Milan 5:1 (2:0, 3:1)
Gollar: 1:0 – 5 Mxitaryan, 2:0 – 38 Tyuram, 2:1 – 57 Rafael Leau, 3:1 – 69 Mxitaryan, 4:1 – 79, penalti Chalxanoglu, 5:1 – 90 Frattezi.
Inter – Zommer, Dumfris, Darmian, Acherbi, Bastoni (de Vrey, 74), Dimarko (Karlos Augusto, 64), Mxitaryan, Chalxanoglu (Aslani, 81), Barella (Frattezi, 64), Tyuram (Arnautovich, 64), Martines.
Milan – Menyan, Kalabriya (Florensi, 77), Kyer, Tiav, Ernandes, Krunich, Loftus-CHik (Musa, 86), Reynders (Yovich, 77), Pulishich (Chukvueze, 56), Rafael Leau, Jiru (Okafor, 77).
Ogohlantirishlar: Tiav (24), Ernandes (61), Chalxanoglu (72), Frattezi (90).