Италия чемпионатининг 4-тури доирасида мухлислар Милан дербисига гувоҳ бўлишди. "Сан-Сиро" стадионида "Интер" мезбонлигида ўтган баҳсда "Милан" йирик ҳисобда имкониятни бой берди.

Генрих Мхитарян 5-дақиқада ҳисобни очган бўлса, Маркус Тюрам 37-дақиқада фарқни оширди. Рафаэл Леау 57-дақиқада меҳмонларнинг ягона тўпини киритган бўлса, қолган дақиқаларда "нерадзурри" яна 3 марта рақиб дарвозасига йўл топди. Мхитарян учрашувда дублга эришган бўлса, Ҳоқон Чалханоглу ва Давиде Фраттези ўз ҳисобларига биттадан гол ёзиб қўйишди.

Ушбу ғалаба туфайли "Интер" ўз очколарини 12 тага етказган бўлса, "Милан" мавсумда илк марта очко йўқотди — 9 очко.

Италия А серияси. 4-тур
Интер – Милан 5:1 (2:0, 3:1)
Голлар: 1:0 – 5 Мхитарян, 2:0 – 38 Тюрам, 2:1 – 57 Рафаэл Леау, 3:1 – 69 Мхитарян, 4:1 – 79, пенальти Чалханоглу, 5:1 – 90 Фраттези.
Интер – Зоммер, Думфрис, Дармиан, Ачерби, Бастони (де Врей, 74), Димарко (Карлос Аугусто, 64), Мхитарян, Чалханоглу (Аслани, 81), Барелла (Фраттези, 64), Тюрам (Арнаутович, 64), Мартинес.
Милан – Меньян, Калабрия (Флоренци, 77), Кьер, Тиав, Эрнандес, Крунич, Лофтус-Чик (Муса, 86), Рейндерс (Йович, 77), Пулишич (Чуквуэзе, 56), Рафаэл Леау, Жиру (Окафор, 77).
Огоҳлантиришлар: Тиав (24), Эрнандес (61), Чалханоглу (72), Фраттези (90).