"Chelsi" bosh murabbiyi Maurisio Pochettino jamoasi o‘tgan o‘yinlarda g‘alabaga ko‘proq haqli bo‘lganiga ishonch bildirmoqda.

Angliya Premyer-ligasining joriy to‘rt turidan so‘ng “ko‘klar” bor-yo‘g‘i bitta g‘alaba va to‘rt ochkoga ega. Yakshanba kuni Pochettino shogirdlari safarda “Bornmut”ga qarshi bahs olib boradi.

“Biz jarayon va jamoaning hozirda ko‘rsatayotgan o‘yinidan mamnunmiz. “Liverpul” va “Vest Xem”ga qarshi o‘yinlarda biz raqiblarimizdan yaxshiroq o‘ynadik, deb o‘ylayman. Nazarimda, biz har bir uchrashuvda g‘alaba qozonishga haqli edik", - deya argentinalik mutaxassis so‘zlarini keltiradi jurnalist Noa Robson.