"Челси" бош мураббийи Маурисио Почеттино жамоаси ўтган ўйинларда ғалабага кўпроқ ҳақли бўлганига ишонч билдирмоқда.
Англия Премьер-лигасининг жорий тўрт туридан сўнг “кўклар” бор-йўғи битта ғалаба ва тўрт очкога эга. Якшанба куни Почеттино шогирдлари сафарда “Борнмут”га қарши баҳс олиб боради.
“Биз жараён ва жамоанинг ҳозирда кўрсатаётган ўйинидан мамнунмиз. “Ливерпуль” ва “Вест Хэм”га қарши ўйинларда биз рақибларимиздан яхшироқ ўйнадик, деб ўйлайман. Назаримда, биз ҳар бир учрашувда ғалаба қозонишга ҳақли эдик", - дея аргентиналик мутахассис сўзларини келтиради журналист Ноа Робсон.
