«Chelsi» darvozaboni Robert Sanches London klubiga o‘tishi haqida gapirdi.

«Angliyaning eng yaxshi jamoasidan birida o‘ynash bo‘yicha orzuim ro‘yobga chiqdi. Bu darajaga erishish aql bovar qilmas tuyg‘u. Buning uchun har bir futbolchi butun umri davomida ishlaydi.

Menejer, jamoadoshlarim va mashg‘ulotlarda qilayotgan ishlarim yordamida klubda muvaffaqiyat qozonishni va hamma eslab qoladigan afsonalardan biriga aylanishni istayman», - deya Sanchesning so‘zlarini keltiradi «Chelsi» rasmiy sayti.

25 yoshli ispaniyalik yozgi transfer oynasida «Brayton»dan «Chelsi»ga o‘tdi. Joriy mavsumda darvozabon 5 ta o‘yinda maydonga tushib, o‘z darvozasidan 6 ta gol o‘tkazib yubordi va bir marta darvozasi daxlsizligini saqlab qoldi.