«Челси» дарвозабони Роберт Санчес Лондон клубига ўтиши ҳақида гапирди.

«Англиянинг энг яхши жамоасидан бирида ўйнаш бўйича орзуим рўёбга чиқди. Бу даражага эришиш ақл бовар қилмас туйғу. Бунинг учун ҳар бир футболчи бутун умри давомида ишлайди.

Менежер, жамоадошларим ва машғулотларда қилаётган ишларим ёрдамида клубда муваффақият қозонишни ва ҳамма эслаб қоладиган афсоналардан бирига айланишни истайман», - дея Санчеснинг сўзларини келтиради «Челси» расмий сайти.

25 ёшли испаниялик ёзги трансфер ойнасида «Брайтон»дан «Челси»га ўтди. Жорий мавсумда дарвозабон 5 та ўйинда майдонга тушиб, ўз дарвозасидан 6 та гол ўтказиб юборди ва бир марта дарвозаси дахлсизлигини сақлаб қолди.