Madridning “Real” klubi bosh murabbiyi Karlo Anchelotti “Real Sosyedad”ga qarshi o‘yindan (2:1) keyin jamoa hujumchisi Xoseluning o‘yini haqida o‘z fikrlari bilan o‘rtoqlashdi. Hujumchi g‘alaba to‘pini kiritdi.
"Bu yigit oldinda kafolat beradi, u raqib darvozasi oldida yaxshi harakat qiladi. U jamoaga qanday foyda keltirishini juda yaxshi tushunamiz. Xoselu muhim pozisiyada o‘ynaydi, bizda boshqa bunday sifatlarga ega futbolchilar yo‘q. Oldingi mavsumlarda bizga bunday futbolchi yetishmasdi", - dedi Anchelotti Marca bilan suhbatda.
Xoselu "Real"ga yozgi transfer oynasida qo‘shilgan edi. La Ligada u beshta o‘yin o‘tkazib, ikkita gol urdi va golli uzatmani amalga oshirdi.
