Мадриднинг “Реал” клуби бош мураббийи Карло Анчелотти “Реал Сосьедад”га қарши ўйиндан (2:1) кейин жамоа ҳужумчиси Хоселунинг ўйини ҳақида ўз фикрлари билан ўртоқлашди. Ҳужумчи ғалаба тўпини киритди.

"Бу йигит олдинда кафолат беради, у рақиб дарвозаси олдида яхши ҳаракат қилади. У жамоага қандай фойда келтиришини жуда яхши тушунамиз. Хоселу муҳим позицияда ўйнайди, бизда бошқа бундай сифатларга эга футболчилар йўқ. Олдинги мавсумларда бизга бундай футболчи етишмасди", - деди Анчелотти Marca билан суҳбатда.

Хоселу "Реал"га ёзги трансфер ойнасида қўшилган эди. Ла Лигада у бешта ўйин ўтказиб, иккита гол урди ва голли узатмани амалга оширди.