"PSJ"ning sobiq bosh murabbiyi Kristof Galtye irqchilik va musulmonlarga nisbatan dushmanlik ayblovlariga izoh berdi.

Joriy yilning bahorida Galtye "Nissa"da ishlayotgan vaqtida jamoada "bu qadar ko‘p qora tanlilar va musulmonlar bo‘lishi mumkin emas" deb aytgani xabar qilingandi. U 3 yilgacha qamoq jazosiga hukm qilingan va polisiya tomonidan hibsga olingan. Mutaxassis 15 dekabr kuni sudga keladi.

"Bularning barchasi yolg‘on, to‘liq yolg‘on. Futbolchilar, futbol odamlari, murabbiylar meni bilishadi. Odamlar mening kimligimni bilishadi, lekin, albatta, bunday hollarda ular faqat bitta iborani eslashadi, lekin meni qo‘llab-quvvatlaganlarni eslamaydilar. “Nissa” futbolchilari bu borada ochiqchasiga gapirmadi, lekin men ham gapirmadim. Lekin nega sport direktori Jyulyen Furnye meni ayblashini bilaman. Dekabrda aytaman.

Meni irqchilikda ayblashayotgani yo‘q. Prokuror meni ikkita jinoiy ish bo‘yicha sud qilishimni istamoqda: birinchisi, ayrim o‘yinchilarni ma’naviy ta’qib qilish, ikkinchisi – ayrim futbolchilarni kamsitish. Va bu butunlay boshqacha.

Ramazon oyida murabbiy sifatida meni tashvishga soladigan narsa futbolchilarning salomatligi va jamoaning o‘yini. Futbolchilar Ramazonni o‘zlari xohlagandek o‘tkazishdi. Ularning hammasi o‘ynashdi.

Jamoa bilan ishlash uslubimni tanqid qilishingiz mumkin, Galtyeni himoyaviy murabbiy deyishingiz mumkin. Ammo Kristof Galtyeni irqchi deyishsa, men buni qabul qilmayman. Men bunga qo‘shila olmayman", - dedi Galtye Onze Mondial bilan suhbatda.