Madridning “Atletiko” klubi hujumchisi Alvaro Morata Chempionlar ligasi guruh bosqichi 1-tur o‘yiniga tayyorlanayotgan jamoaning ahvoli haqida gapirdi.
19 sentyabr kuni “matraschilar” eng nufuzli yevrokubokning yangi turidagi ilk o‘yinini “Lasio”ga qarshi boshlaydi. Yaqinda La Liga doirasida bo‘lib o‘tgan "Valensiya" bilan uchrashuvda Diyego Simeone shogirdlari yirik hisobda mag‘lubiyatga uchradi - 0:3.
"Rayo Valyekano" bilan o‘yindan so‘ng (7:0) biz o‘zimizni dunyoning eng zo‘ridek his qilgandik va "Valensiya" bilan navbatdagi uchrashuvda falokat yuz berdi.
Mag‘lubiyatlar har doim yoqimsiz, ammo biz ijobiy bo‘lib qolamiz. Bizda kuchli jamoa bor, muvaffaqiyatsizliklar haqida o‘ylamaymiz. Kelgusi o‘yinlarda yo‘qotilgan ochkolarni to‘ldirishimiz kerak", - deya Morata so‘zlarini keltiradi TMW.
