"Manchester Yunayted" bosh murabbiyi Erik ten Xag jamoa loyihasiga sodiq qoladi. Jurnalist Fabrisio Romano xabariga ko‘ra, niderlandiyalik mutaxassis ketish haqida umuman o‘ylamayapti.
Manbaga ko‘ra, ten Xagning fikricha, mankunianliklar mavsum boshida ko‘p narsa, jumladan, jarohatlar sabab omadsiz harakat qilmoqda. Rahbariyat ham o‘z navbatida bosh murabbiyni qo‘llab-quvvatlaydi va uni ishdan bo‘shatish haqida o‘ylamaydi.
Eslatib o‘tamiz, Angliya Premyer-ligasining dastlabki besh turida “Manchester Yunayted” 3 ta mag‘lubiyat alamini totib ko‘rgan. Mankunianliklar boshqaruvidagi debyut mavsumida ten Xag APLni uchinchi o‘rinda yakunladi va Liga kubogini qo‘lga kiritdi.
