"Манчестер Юнайтед" бош мураббийи Эрик тен Хаг жамоа лойиҳасига содиқ қолади. Журналист Фабрицио Романо хабарига кўра, нидерландиялик мутахассис кетиш ҳақида умуман ўйламаяпти.
Манбага кўра, тен Хагнинг фикрича, манкунианликлар мавсум бошида кўп нарса, жумладан, жароҳатлар сабаб омадсиз ҳаракат қилмоқда. Раҳбарият ҳам ўз навбатида бош мураббийни қўллаб-қувватлайди ва уни ишдан бўшатиш ҳақида ўйламайди.
Эслатиб ўтамиз, Англия Премьер-лигасининг дастлабки беш турида “Манчестер Юнайтед” 3 та мағлубият аламини тотиб кўрган. Манкунианликлар бошқарувидаги дебют мавсумида тен Хаг АПЛни учинчи ўринда якунлади ва Лига кубогини қўлга киритди.
