Huquqlari Londonning “Chelsi” klubiga tegishli bo‘lgan markaziy himoyachi Malang Sarr faoliyatini Ispaniya chempionatida davom ettirish imkoniyatiga ega.
Manbaga ko‘ra, 24 yoshli fransiyalik futbolchini o‘z safiga qo‘shishga "Betis" klubi qiziqmoqda. Ispaniya klubi yanvar oyidagi transfer oynasida Malang bilan shartnoma imzolamoqchi. Potensial kelishuv 4-5 million yevroga baholanmoqda.
Sarrning "pensionerlar" bilan shartnomasi 2025 yilning iyun oyi oxirigacha amal qiladi.
O‘tgan mavsumda himoyachi "Monako"da o‘ynagan. U Fransiya chempionatining 13ta uchrashuvida qatnashib, uchta sariq kartochka olgan.
