Ҳуқуқлари Лондоннинг “Челси” клубига тегишли бўлган марказий ҳимоячи Маланг Сарр фаолиятини Испания чемпионатида давом эттириш имкониятига эга.
Манбага кўра, 24 ёшли франциялик футболчини ўз сафига қўшишга "Бетис" клуби қизиқмоқда. Испания клуби январ ойидаги трансфер ойнасида Маланг билан шартнома имзоламоқчи. Потенциал келишув 4-5 миллион еврога баҳоланмоқда.
Саррнинг "пенсионерлар" билан шартномаси 2025 йилнинг июн ойи охиригача амал қилади.
Ўтган мавсумда ҳимоячи "Монако"да ўйнаган. У Франция чемпионатининг 13та учрашувида қатнашиб, учта сариқ карточка олган.
