"Liverpul" bosh murabbiyi Yurgen Klopp murabbiylar qanday qilib bir klubda uzoq vaqt ishlashlari haqida gapirdi.
“Bosh direktorlar va klub prezidentlari o‘z jamoasi ishonchli qo‘llarda ekanligini, rivojlanishni ko‘rayotganini, hammasi to‘g‘ri yo‘nalishda ketayotganini ko‘rishni istaydi. Buni qanday yetkazganimni aniq bilmayman va ular menga klublarda uzoqroq ishlashga ruxsat berishdi. Gvardiolaga osonroq, chunki u hamma narsani yutadi", - dedi Klopp.
Eslatib o‘tamiz, so‘nggi Angliya chempionatida “Liverpul” bor-yo‘g‘i beshinchi o‘rinni egallagandi. Jamoa Chempionlar ligasida ishtirok eta olmadi va yangi mavsumda Yevropa ligasida mamlakat sharafini himoya qiladi.
