Bo‘ron tufayli "Nyukasl"ning Italiyaga parvozi kechiktirildi va ingliz jamoasi kechikib yetib keldi. "Magpiylar" beixtiyor UEFA qoidalarini buzdi. Eddi Xauning matbuot anjumani kech boshlandi. "Nyukasl" ustozi vaziyatga izoh berdi.
“Bu bizning ishimizning ajralmas qismi, bu yerda g‘ayrioddiy narsa yo‘q. Ob-havo bilan bog‘liq muammo bor edi, biz bunga duch kelganmiz. Biz xohlaganimizdan biroz kechroq yetib keldik. Ammo buning hech qanday yomon joyi yo‘q", dedi Xau jurnalistlarga.
UEFA qoidalariga ko‘ra, matbuot anjumani o‘yindan bir kun oldin soat 12:00 dan 20:00 gacha bo‘lishi kerak. Eddi Xau jurnalistlar oldiga soat 21:00 da chiqdi.
