«Lechche» bosh murabbiyi Roberto D'Aversa avgust oyida A Seriyaning eng yaxshi murabbiyi deb topildi. Bu haqda liga matbuot xizmati xabar berdi.
O‘tgan oy Italiya chempionatining dastlabki ikki turida «Lechche» o‘z maydonida «Lasio»ni mag‘lub etgan (2:1), shuningdek, «Fiorentina» bilan mehmonda durang o‘ynagan (2:2).
Ayni vaqtda Italiya chempionatining to‘rt turidan so‘ng «Lechche» sakkiz ochko bilan turnir jadvalida to‘rtinchi o‘rinda bormoqda. Jamoa navbatdagi o‘yinni 22 sentyabr, juma kuni o‘z maydonida «Jenoa»ga qarshi o‘tkazadi.
Eslatib o‘tamiz, Roberto D'Aversa o‘tgan yozda «Lechche»ni qabul qilib olgandi.
