«Лечче» бош мураббийи Роберто Д'Аверса август ойида А Сериянинг энг яхши мураббийи деб топилди. Бу ҳақда лига матбуот хизмати хабар берди.
Ўтган ой Италия чемпионатининг дастлабки икки турида «Лечче» ўз майдонида «Лацио»ни мағлуб этган (2:1), шунингдек, «Фиорентина» билан меҳмонда дуранг ўйнаган (2:2).
Айни вақтда Италия чемпионатининг тўрт туридан сўнг «Лечче» саккиз очко билан турнир жадвалида тўртинчи ўринда бормоқда. Жамоа навбатдаги ўйинни 22 сентябрь, жума куни ўз майдонида «Женоа»га қарши ўтказади.
Эслатиб ўтамиз, Роберто Д'Аверса ўтган ёзда «Лечче»ни қабул қилиб олганди.
