«Real Sosyedad» bosh murabbiyi Imanol Alguasil «Inter»ga qarshi o‘yindan so‘ng (1:1) matbuotga o‘z fikrlarini bildirib o‘tdi.
La Liga vakili Chempionlar ligasi finalchisiga birinchi bo‘lib gol urdi, biroq 87-daqiqada gol o‘tkazib yuborib, ustunlikni saqlab qola olmadi.
«Ajoyib oqshom. Umid qilamanki, qo‘ldan boy berilgan g‘alabaga qaramay, muxlislar o‘yinimizdan mamnun.
«Inter»dek jamoa bilan durang biz uchun ajoyib natija. Biz g‘alaba qozonish uchun hamma narsani qildik, ammo imkoniyatlarimizni golga aylantirishimiz kerak edi.
Chempionlar ligasining eng kuchli jamoalaridan biriga qarshi ajoyib o‘ynadik. O‘ylaymanki, biz 80-daqiqada 3:0 hisobida oldinda bo‘lishga loyiq edik», - deya Alguasilning so‘zlaridan iqtibos keltiradi Football Italia.
