«Реал Сосьедад» бош мураббийи Иманоль Альгуасиль «Интер»га қарши ўйиндан сўнг (1:1) матбуотга ўз фикрларини билдириб ўтди.
Ла Лига вакили Чемпионлар лигаси финалчисига биринчи бўлиб гол урди, бироқ 87-дақиқада гол ўтказиб юбориб, устунликни сақлаб қола олмади.
«Ажойиб оқшом. Умид қиламанки, қўлдан бой берилган ғалабага қарамай, мухлислар ўйинимиздан мамнун.
«Интер»дек жамоа билан дуранг биз учун ажойиб натижа. Биз ғалаба қозониш учун ҳамма нарсани қилдик, аммо имкониятларимизни голга айлантиришимиз керак эди.
Чемпионлар лигасининг энг кучли жамоаларидан бирига қарши ажойиб ўйнадик. Ўйлайманки, биз 80-дақиқада 3:0 ҳисобида олдинда бўлишга лойиқ эдик», - дея Альгуасилнинг сўзларидан иқтибос келтиради Football Italia.
