“Liverpul” bosh murabbiyi Yurgen Klopp Avstriyaning LASK klubiga qarshi Yevropa ligasi guruh bosqichidan o‘rin olgan o‘yin arafasida raqib haqidagi fikrlari bilan o‘rtoqlashdi.

Kloppning fikricha, bo‘lajak uchrashuvning favoriti "Liverpul". Biroq germaniyalik mutaxassisning ta’kidlashicha, mersisaydliklar ushbu o‘yinga jiddiy tayyorgarlik ko‘rmoqda, chunki LASK imkoniyatlardan unumli foydalana oladi.

“Biz favorit ekanligimizni bilaman, lekin biz bu yerga futbol o‘ynash uchun kelganmiz. Biz bu o‘yinni jiddiy qabul qilamiz va undan maksimal darajada foydalanishni xohlaymiz. Raqib juda barqaror, qanotlardan yaxshi foydalanadi va jarima zarbalarini yaxshi bajaradi", - deya Kloppning so‘zlarini keltiradi UEFA matbuot xizmati.

LASK - "Liverpul" uchrashuvi bugun, 21 sentyabr kuni bo‘lib o‘tadi. Ushbu uchrashuvning boshlanishi Toshkent vaqti bilan 21:45 ga belgilangan.