“Ливерпуль” бош мураббийи Юрген Клопп Австриянинг ЛАСК клубига қарши Европа лигаси гуруҳ босқичидан ўрин олган ўйин арафасида рақиб ҳақидаги фикрлари билан ўртоқлашди.
Клоппнинг фикрича, бўлажак учрашувнинг фаворити "Ливерпуль". Бироқ германиялик мутахассиснинг таъкидлашича, мерсисайдликлар ушбу ўйинга жиддий тайёргарлик кўрмоқда, чунки ЛАСК имкониятлардан унумли фойдалана олади.
“Биз фаворит эканлигимизни биламан, лекин биз бу ерга футбол ўйнаш учун келганмиз. Биз бу ўйинни жиддий қабул қиламиз ва ундан максимал даражада фойдаланишни хоҳлаймиз. Рақиб жуда барқарор, қанотлардан яхши фойдаланади ва жарима зарбаларини яхши бажаради", - дея Клоппнинг сўзларини келтиради УЕФА матбуот хизмати.
ЛАСК - "Ливерпуль" учрашуви бугун, 21 сентябрь куни бўлиб ўтади. Ушбу учрашувнинг бошланиши Тошкент вақти билан 21:45 га белгиланган.