"Chelsi"da "Milan"dan Fikayo Tomori sotib olish imkoniyati yo‘q. Bu haqda jurnalist Fabrisio Romano xabar bermoqda.

Manba bergan xabarga ko‘ra, bugungi kunda 25 yoshli angliyalik butun bor e’tiborini Italiya klubida o‘ynashga qaratgan.

Eslatib o‘tamiz, Tomori 2021 yilning yozida 31,6 million yevro evaziga "Chelsi"dan "Milan"ga o‘tgan edi. "Rossoneri" tarkibida himoyachi jami 111ta o‘yin o‘tkazib, 3ta gol urdi va bitta golli uzatmani amalga oshirdi.

Joriy Italiya chempionatining to‘rt turidan so‘ng “Milan” 9 ochko bilan turnir jadvalida uchinchi o‘rinni yegallab turibdi.