«Sassuolo» bosh direktori Jovanni Karnevali yarim himoyachi Domeniko Berardi qishki transfer oynasida jamoani tark etishi mumkinligini inkor etmayapti.
Eslatib o‘tamiz, o‘tgan yozda italiyalik futbolchi ketishni xohlagan, ammo yakunda buning imkoni bo‘lmagan edi.
«Berardi yanvarda ketadimi? Bu mumkin, ammo bu holda biz katta taklifni qabul qilishimiz kerak. Hozirda sotuvga ko‘p ehtiyojimiz yo‘q», - dedi Karnevali Tuttosport nashriga.
Turinning «Yuventus» klubi o‘tgan yozda Berardining xizmatlariga faol qiziqish bildirgandi, ammo «keksa sinyora» «Sassuolo»ning moliyaviy talablarini qondira olmadi.
Yangi mavsumda Domeniko Italiya A Seriyasining ikkita uchrashuvida ikkita gol urdi.
