«Сассуоло» бош директори Жованни Карневали ярим ҳимоячи Доменико Берарди қишки трансфер ойнасида жамоани тарк этиши мумкинлигини инкор этмаяпти.
Эслатиб ўтамиз, ўтган ёзда италиялик футболчи кетишни хоҳлаган, аммо якунда бунинг имкони бўлмаган эди.
«Берарди январда кетадими? Бу мумкин, аммо бу ҳолда биз катта таклифни қабул қилишимиз керак. Ҳозирда сотувга кўп эҳтиёжимиз йўқ», - деди Карневали Tuttosport нашрига.
Туриннинг «Ювентус» клуби ўтган ёзда Берардининг хизматларига фаол қизиқиш билдирганди, аммо «кекса синёра» «Сассуоло»нинг молиявий талабларини қондира олмади.
Янги мавсумда Доменико Италия А Сериясининг иккита учрашувида иккита гол урди.
