"Barselona" bosh murabbiyi Xavi Ernandes "Selta" ustidan qozonilgan g‘alabadan so‘ng o‘z fikrlarini bildirib o‘tdi.
Kataloniya jamoasi uchrashuvning 81-daqiqasigacha o‘z maydonida 0:2 hisobida mag‘lub bo‘layotgandi. “Ko‘k-anorranglilar” dubl qayd etgan Robert Levandovskining sa’y-harakatlari evaziga hisobni tenglashtirgan bo‘lsa, 89-daqiqada Joau Kanselu g‘alaba to‘pini kiritdi.
“Bu aql bovar qilmaydigan qaytish bo‘ldi. Oxirigacha g‘alaba qozonishimizga ishondik. Jamoa eng yaxshi o‘yin ko‘rsatmadi, lekin buni keyinroq tahlil qilamiz.
O‘yin yaxshi bo‘lmasa, xarakter ko‘rsatish kerak. Biz ko‘proq tavakkal qildik - boshqa tanlovimiz yo‘q edi. Yaxshiyamki, u ishladi. Bugun o‘yinchilarning o‘ziga bo‘lgan ishonchi va fidoyiligi buning uddasidan chiqdi", - dedi Xavi Movistar nashriga bergan intervyusida.
