"Барселона" бош мураббийи Хави Эрнандес "Сельта" устидан қозонилган ғалабадан сўнг ўз фикрларини билдириб ўтди.
Каталония жамоаси учрашувнинг 81-дақиқасигача ўз майдонида 0:2 ҳисобида мағлуб бўлаётганди. “Кўк-анорранглилар” дубль қайд этган Роберт Левандовскининг саъй-ҳаракатлари эвазига ҳисобни тенглаштирган бўлса, 89-дақиқада Жоау Канселу ғалаба тўпини киритди.
“Бу ақл бовар қилмайдиган қайтиш бўлди. Охиригача ғалаба қозонишимизга ишондик. Жамоа энг яхши ўйин кўрсатмади, лекин буни кейинроқ таҳлил қиламиз.
Ўйин яхши бўлмаса, характер кўрсатиш керак. Биз кўпроқ таваккал қилдик - бошқа танловимиз йўқ эди. Яхшиямки, у ишлади. Бугун ўйинчиларнинг ўзига бўлган ишончи ва фидойилиги бунинг уддасидан чиқди", - деди Хави Movistar нашрига берган интервьюсида.
