"Selta" bosh murabbiyi Rafael Benites "Barselona"ga qarshi o‘yindagi mag‘lubiyat (2:3) haqida o‘z fikrlarini bildirdi.

“Selta” 2:0 hisobida oldinda borayotgandi va sensasiyaga bir qadam qolgandi, biroq kataloniyaliklar asosiy vaqtning so‘nggi o‘n daqiqasida kiritilgan uchta gol evaziga vaziyatni o‘nglashga muvaffaq bo‘lishdi.

"O‘ylashimcha, yakuniy natija bugungi o‘yin manzarasini aks ettirmaydi. Hammasi futbolchilarning mahoratiga bog‘liq. "Barselona"da turli profildagi ko‘plab sifatli o‘yinchilar bor, ular bundan foydalanadilar. Ular buni har doim qilishlari mumkin, shuning uchun ular sovrinlarga da’vogarlik qilishadi", - deya Benitesning so‘zlaridan iqtibos keltiradi Barca Universal.

“Barselona” joriy La Liganing 6 turidan keyin 16 ochkoga ega. "Selta"da esa bor-yo‘g‘i to‘rt ochko bor.